Tetua është mposhtur nga Elbasani me rezultatin 3-1 në “Elbasan Arena”. Trajneri Edi Martini ka folur pas ndeshjes.
“Në pjesën e parë luajtëm mjaft mirë. Kaluam dhe ne me një rreshtim duke lënë një pykë para, në formë rombi. Goli i pësuar ra gjendja morale. Ata ishin më të freskët se ne. Pas golit të dytë morën mesfushë. Një pjesë e dytë e keqe. Kishim mungesa.
Edhe goli i parë edhe goli i dytë erdhën aty ku kemi pikën më të fortë. Jemi në zonën plot, jemi 4 ata 2 dhe ne prapë nuk shënojmë. Elbasani na vuri në vështirësi, na mori mesfushën.
Nuk është normale të luash kështu me dy tablo. Luajtëm mirë pjesën e parë, ndërsa në të dytën u kthye situata”, u shpreh Martini.
