Amerikani Maurice Walton, është basketbollisti i pestë që firmosi mesditen e sotme për ekipin e Vllaznisë së koshit për meshkuj. Lojtari në fjalë spikat për shtatlartësinë e tij të admirueshme prej 2 metër dhe 08 centimetër dhe luan në pozicionin qëndër, aty ku skuadra kuqeblu ka pasur një pikë të dobët gjatë sezonit të kaluar sportiv. Karriera e tij e mëparshme ka qënë në kolegjet amerikane, dhe së fundmi vjen nga nga Phoenix.
Në këtë mësnyrë, duket se Vllaznia e basketbollit për meshkuj ka filluar të marrë formën e duhur. Të parët që iu bashkuan në fillim javë kuqebluve të koshit ishin dy amerikanët Michael Wright dhe Michael Lenoir. Michael, Wright është një lojtar i pozicionit 3/4 dhe një gjuajtës i shkëlqyer, I cili më herët ka luajtur me sukses me BC GAU në sezonin 2023-2024, ku ndihmoi ekipin të arrijë deri në gjysmëfinalet e Ligës Gjeorgjiane.
Ndërsa, Michael Lenoir vjen me një përvojë të pasur nga karriera e tij në basketbollin universitar amerikan në Teksas, si një playmaker dinamik, dhe lidership në ekipin e tij. Më pas, drejtuesit bindën shkodranin Robert Shestani të rikthehej në shtëpi pas tre viteve eksperience të suksesshme me Besëlidhja Basket, ku ai u kurorëzua kampion vitin e kaluar, por edhe me paraqitjet e tij të shkëlqyera në ligat e Malit të Zi dhe Kosovës, ku ka treguar aftësi të jashtëzakonshme dhe një përkushtim të pashoq në fushë.
Ndërkohë, një ditë më parë ka ardhur edhe firma e katërt radhazi për kampin kueblu, i cili është një tjetër amerikan. Bëhet fjalë për Maurice Hodge Jr! Me një gjatësi prej 193 cm dhe që luan në pozicionet 1/2, ai pritet të japë një kontribut të çmuar në radhët e kuqëebluve.
Pesë blerjet e deritanishme janë një si njal shumë pozitiv për kampin kuqeblu të basketbollit meshkuj duke e pozicionuar Vllazninë e koshit si pretendente serioze për titullin kampion. Por, sipas drejtuesve të klubit kuqeblu, gjatë orëve në vazhdim pritet të firmosë për Vllazninë edhe një tjetër basketbollist cilësor i kampionatit shqiptar.
