Veleçiku – Vllaznia U21 0:2 (Shënues: Pusi, Duli)
Formacioni i Vllaznisë: Shkoza, Mujaxhi, Gjilaj, Pusi, Bushaj, Duli, Shima, Peku, Bizi, Osmani, Musaraj.(U aktivizun: Lukaj,Troshani, Lera, Muleci, Kodra, Paloka, Gruda, Jahja, Ramja, Maliqi). Trajner: Elvis Plori
Kampionati Kombëtar i futbollit për kategorinë Superiore U-21 starton me datë 7 shtator, dhe Vllaznia e drejtuar nga trajneri Elvis Plori së bashku me kolegun Ergi Borshi, javën e parë do ta luajë në transfertë me Partizanin.
Gjatë kësaj periudhe të prag kampionatit 21 vjeçarët kuqeblu kanë zhvilluar një fazë përgatitore të mirëfilltë, e cila krahas të tjerave është shoqëruar edhe me ndeshje miqësore.
E tillë ishte edhe kjo sot Veleçikun e Koplikut të kategorisë së dytë të futbollit shqiptar, ndeshje kjo e luajtur në fushën sportive të vëllezërve Duli në qytetin e Koplikut. 90-të minutat e kësaj miqësoreje kanë përfunduar me rezultatin 0 me 2 në favor të Vllaznisë U-21. Golat për kuqeblutë janë shënuar nga Pusi dhe Duli.
Një test ky i konsideruar mjaft pozitiv për dyshen e trajnerëve Plori dhe Borshi, jo vetem për rezultatin e fitimit të ndeshjes, por edhe për mënyrën se si u shprehen futbolistët në fushën e lojës.
Miqësorja me Veleçikun, mund të jetë e fundit përgatitore, por nuk përjashtohet mundësia që nëse arrin të gjejë një kundërshtar të përshtatshëm, stafi teknik të zhvillojë edhe një tjetër miqësore përpara startit zyrtar me Partizanin.