Janë mbyllur dy ndeshjet e para të javës së 20-të të Kategorisë Superiore.
Bardheblutë kanë mundur me shifrat 2-1 Egnatian në transfertë duke marrë tre pikë të rëndësishme dhe kanë treguar që janë ende një hap para skuadrave të tjera.
Nga ana tjetër Partizani është mundur përsëri në shtëpi, këtë herë nga Laçi, duke mbetur tanimë 6 pikë pas bardhebluve të cilët mbajnë vendin e parë në klasifikim.
Brenda pak javësh ka ndryshuar në mënyrë drastike situata e Laçit, i cili falë fitores së tretë radhazi është ngjitur në vendin e tretë në klasifikim, shumë larg zonës së ftohtë ku gjendej më parë. Ndërsa Egnatia tanimë rrezikon objektivin e Europës, pasi ka zbritur në vendin e 6. Ndeshjet e radhës do luhen ditën e nesërme.
JAVA 20
Të hënën
Egnatia-Tirana 1-2
Partizani-Laçi 1-2
Të martën:
Kastrioti-Erzeni ora 13:00
Vllaznia-Kukësi ora 16:00
Teuta-Bylis ora 16:00
