Sezoni i kaluar për Butrintin ishte me ulje-ngritjet e veta ndërsa u rendit në vendin e 5-të në tabelën e klasifikimit. Skuadra u drejtua fillimisht nga trajneri Adriatik Faslliu deri disa javë para përfundimit të sezonit të kaluar ku pas ikjes së trajnerit Faslliu, ishte Mariglen Nela ai i cili veshi tutat e trajnerit të Butrintit dhe skuadra bregdetare u rendit në zonën “play-off” ku më pas u ndesh me skuadrën e Orikut dhe që u eliminua për shkak të formulës së kampionatit.
Kampionati është mbyllur dhe në Sarandë me padurim presin të shohin se çfar do të ndodh me ekipin. Dhe pikërisht duket se ndërtimi i skuadrës do të nis që nga pankina dhe në mënyrë ekskluzive për portalin “Veriu Sport” është mësuar se trajneri polak Mihal Kolanovski është “pole-postision” për të mar drejtimin e skuadrës së Butrintit.
Një emër tërësisht i panjohur për qytetin bregdetar të Sarandës por jo vetëm. Në karrierën e tij si trajner Kolanovski njihet me tepër për drejtimin e skuadrave në Poloni ku emra si: Mlavianka Mlava, Zaglebie Lubin më pas tek grupmoshat e Legia Varshavë, Falubaz Zielona Gora, Leç Poznan dhe gjithashtu ka qenë pjesë e Dinamos së Zagrebit si dhe më pas tek ekipet e moshave U17 dhe U21 të Polonisë si asistent, njëkohësisht dhe tek Bajer Levekursen në Gjermani në rolin e skautit.
Duket një CV jo dhe aq shumë e pasur me ekipe të rriturish por ama Kolanovski ka treguar që në ekipe të tilla ai di të mar maksimumin e lojtarëve. Në ditët në vazhdim pritet të mbërrij në Sarandë dhe për të gjetur gjuhën e përbashkët me drejtuesit e skuadrës së Butrintit. Ndërsa në klub priten të tjera ndryshime rrënjësore por që do të jepen si informacion në vijim.
Fatos LAMAJ
