Vllaznia Futboll Femra, ky ekip i super menaxhuar mirë dhe që bën Shkodrën krenare kudo në Europë, vit pas viti. Prej vitesh me rekorde për guinness mbi dominancën në kampionatin kombëtar, por edhe me përformancën fantastike në Champions League nga të cilat veçohet kualifikimi në grupe në Champions 2022 duke sjellë në Shkodër emra si Real Madrid, Chelsea, Paris, Juventus, etj.
Të jesh në futboll femrash ndër 16 ekipet më të mira në Europë, për mua asht arritja më e madhe në historinë e çdo disipline sportive për Shqipërinë. Kush të ketë qejf me e kuptu pse të jesh në 16-tshe të Europës në futboll femrash, është më shumë meritë se të jesh i dyti në peshëngritje apo i treti në atletikë, mund ta pimë i kafe.
Gjithsesi, çdo gol i Megi Doçit me shoqe shkon edhe për turpin e çdo gazetari dhe studioje në Tiranë, të cilët asnjëherë nuk gjejnë asnjë fjalë apo rresht për këtë skuadër të mrekullueshme.
