Në barazim, 0 me 0 është mbyllur pjesa e parë e ndeshjes, Partizani-Vllaznia, takim që po huhet pasditen e sotme në stadiumin “Partizani” që nga ora 14:00. Një pjesë e parë që nisi më mirë për Partizanin, i cili vuri në vështirësi portjerin Bojan Zogoviç të Vllaznië, ku vetëm ndërhyrje spaktakolare e këtij të fundit shpëtoi Vllazninë nga pësimi i golit në portën e saj.
Më pas, skuadra kuqeblu e drejtuar nga Mirel Josa erdhi duke e përmirësuar ndjeshëm lojën e saj, madje duke arritur ta dominojë tërësisht ndeshjen. Në një moment, një gjuatje drejt portës së Partizanit preket me dorë nga mbrojtësit kuqeblu, dhe gjyqtari kryesor Kreshnik Bajramaj nuk nguron të akordojë direkt penallti në favor të Vllaznisë. Por, në të njëjtën kohë ka edhe një flamur lart të ngritur nga arbitri anësor që ka dalluar një pozicion jashtë loje duke bërë që të shfuqizohet vendimi për penallti.
Vllaznia vazhdon të luajnë më mirë se Partizani edhe në minutat në vazhdim duke vijuar të regjistrojë raste të shumta për gol, njëri pas tjetrit, por edhe për meritë të portjerit Rexhepi si dhe nxitim të futbollistëve kuqeblu, si Hoxha, Kaina, Mala, etj, rrjeta e Partizanit nuk preket.
Mbetet për tu parë pjesa e dytë e ndeshjes, nëse Vllaznia do të vijojë të jetë dominuese e takimit, apo do të kemi një reagim të Partizanit, që në fakt, shenjat për një gjë të tillë i dha në dhjetë minutat e fundit të pjesës së parë.
