Përgatitjet e Vllaznisë në Ulqin, Asambleja e Shoqatës Rajonale Futbollit Shkodër, Futsal-Turneu Ndërkombëtar “Ulqini Open 2026”, Futboll Kategoria e Dytë, pritet të jenë sonte në fokus të emisionit Studio Sport, i cili transmetohet në RTSH Shkodra.
Kuqeblutë e drejtuar nga tekniku Edi Martini, vijojnë që prej datës 2 janar të stërviten në kompleksin Futbalski Centar “Çausheviç” Ulqin, në pritje të ndeshjes së parë zyrtare për vitin 2026, e cila do të luhet në stadiumin “Loro Boriçi” të shtunën e 10 janarit duke filluar prej orës 16:00.
Ndërkohë, mesditën e sotme, në mjediset e stadiumit “Loro Boriçi” ka zhvilluar punimet Asambleja e Përgjithshme Zgjedhore 2026 e Shoqatës Rajonale së Futbollit Shkodër, ku është rizgjedhur për herë të dytë kryetar, Lazër Matija,
Me pjesëmarrjen në studio: Lazër MATIJA(Kryetar i Shoqatës Rajonale Futbollit Shkodër), Arber XHAFERI(Drejtor KF Vllaznia), Ermir SHIMAJ(President Basania FC), në këtë emision do të diskutohet edhe për Turneun Ndërkombëtar të Futsal, “Ulqini Open 2026”, për të vijuar edhe me Kategoria e Dytë, grupi A, për të rejat më të fundit rreth skuadrave seriore, Beselidhja, Shiroka, Tërbuni, Basania, si dhe info të tjera sportive.
