“Urime Itali,
Të dashur miq, sot shijuam një mbrëmje magjike me wembley-n që na konfirmoi se ç’farë fuqie ka futbolli për të mbajtur pezull zemrat e miliona tifozëve.
Një sukses i merituar plotësisht për të kaltërit, fryt i një pune të jashtëzakonshme të një skuadre që arriti të ringrihet nga drama e tre viteve më parë, dëshmi se besimi te puna dhe puna në grup të sjellin sukses.
Përgëzimet më të përzemërta dhe për mikun tim Gabriele Gravina që mishëron vlerat që kjo skuadër tregon në fushën e lojës.”, shkruan në urimin e tij për Italinë kampione të Europës, kreu i institucionit më të lartë të futbollit shqiptar, Armand Duka
