Partizani fitoi përballë Vllaznisë në Loro Boriçi me përmbysje. Golat e Da Silva dhe Skukës zhvlerësuan golin e Hoxhaj në pjesën e parë. Padyshim një ndër lojtarët më të mirë në fushë ishte portieri i të kuqve, Rexhepi. Pas ndeshjes ai foli për Oversport.
“Kur vjen nga një gabim i tillë nga derbi është shumë e vështirë por besoj se çdo profesionist e kupton. E kam marrë me qetësi dhe jam duke punuar. Pritja e fundit është më e rëndësishme. Mezi e prisnim të tregonim vetjen.
Nuk ndiej presion nga askush. Kam mbështetje maksimale nga ekipi dhe do të jap maksimumin cdo ndeshje. Faleminderit për komplimentet unë do të jap maksimumin cdo ndeshje. E di si përjetohen në futboll gabimet apo gëzimet por duhet të qendrojmë gjithmonë me kokën lartë dhe të shohim përpara.”- deklaroi portieri i Rexhepi.
