Kryefjala e kësaj jave në kampionatin shqiptar është klasikja e futbollit shqiptar e cila është parashikuar të zhvillohet ditën e nesërme në orën 17:00, dhe që vë përball me njëra-tjetrën Vllazninë dhe Tiranën në stadiumin “Loro Boriçi”. Një duel mjaft i rëndësishëm dhe që premton spektakël,teksa në fushë do të zbresin dy ekipet më të titulluara në futbollin shqiptar.
Emocionet janë të mëdha në këtë sfidë,e cila prej vitesh tashmë i jep tonin futbollit shqiptar. Në këtë përbalje si bardheblutë ashtu edhe shkodranët vijnë pas humbjeve në javën e fundit,ndërsa bardheblutë nuk e njohin fitoren prej 6 javësh.
Kuqeblutë pas 19 javësh ndodhen në vendin e 3-të në tabelën e klasifikimit,ndërsa bardheblutë jan në vendin e 8-të,në zonën “Play-out”. Kjo e bën që fitorja në Klasiken e Shqipërisë të jetë mëse e detyrueshme për objektivat e dy ekipeve.
Pavarësisht momentit që po kalojnë aktualisht dy ekipet,statistikat e përballjeve direkte thonë diçka tjetër. Në 16 ndeshjet e fundit kryeqytetasit janë superiore ndaj shkodranëve. 8 ndeshje kanë përfunduar në favor të bardhebluve,teksa në 4 takime kanë triumfuar kuqeblutë dhe 4 sfida janë mbyllur në barazim mes tyre.
21 gola jan shënuar nga kryeqytetasit në portën e shkodranëve,ndërsa kuqeblutë ia kanë dalë të gjejnë portën e bardhebluve 17 herë.
Statistikat në tërësi për këtë klasike flasin në favor të Tiranës por kjo Vllazni duket se nuk njeh statistika pasi në sezonet e fundit ka treguar forcë karakteri dhe mbi të gjitha fryma e grupit të lojtarëve ka nxjer në pah dominimin total të Vllaznisë. Ndeshja e nesërme i gjen të dyja skuadrat në pozita të ndryshme ku Vllaznia kërkon pikët për tu ngjitur në majë klasifikimit ndërsa Tirana për të dal nga vorbulla e këtyre javëve. 202 ndeshje në total me një golaverazh që është në favor të Tiranës e cila ka shënuar 271 gola dhe ka pësuar 219. Dhe titujt kampion normalisht jan të Tiranës 26 tituj ndërsa Vllaznia numëron vetëm 9 të tillë,po ashtu dhe Kupa e Shqipërisë flet për bardheblutë të cilët e kan fituar plotë 16 herë ndërsa Vllaznia vetëm 8 herë.
Statistika
Ndeshje në total:202
Fitore Vllaznia:62
Barazime:52
Fitore Tirana:88
Golaverazhi:219-271
Renditja:3-8
Tituj kampion:9-27
Kupa të Shqipërisë:8-16
Fitorja e fundit e Vllaznisë:30 tetor 2024 3-4(Lushnje)
Barazimi i fundit:28 gusht 2024 2-2
Fitorja e fundit e Tiranës:7 tetor 2023 0-1
Arbitri i ndeshjes
Gjithmonë si Tirana dhe Vllaznia jan ankuar për gjykimin dhe për ndeshjen e nesërme përflitet që njëri mes Juxhin Xhajës dhe Enea Jorgjit të jetë bilbili kryesor i kësaj ndeshje, madje nuk përjashtohet mundësia e ndonjë suprize të mundshme ku emra si: Kreshnik Barjamaj, Kreshnik Cjapi, Florjan Lata, Emanuela Rusta, Eldorjan Hamiti, Olsid Ferataj, Laver Alla, Daniel Vrapi, Olsion Yzeiraj apo ndonjë tjetër të gjykoj këtë ndeshje.
Fatos LAMAJ
