Prononcimi i trajnerit të Tiranës, Bledi Shkëmbi, pas ndeshjes, AF Elbasani-Tirana, 2-1
“Situata më e keqe e këtij kampionati patjetër, vendi i fundit. Si i dilet? Duhet të fitojmë ndeshjet e mbetura. Specifike është ndeshja e radhës, kjo është specifike, kështu funksionon që duhet të çohesh lart, të lësh të tjerët poshtë. Është derbi, pro nuk kemi çfarë bëjmë, çfarë humbim më. Patjetër nuk duhet të dorëzohemi se jam i bindur që nuk jemi dorëzuar. Pavarësisht rezultatit që kemi bërë deri diku mirë dhe nuk meritojmë të humbim pikë si i humbim. Kryesorja është që nuk do të dorëzohemi. Nga ndeshja e radhës duhet të marrim pikët.
Nuk ishte udhëzim kthimi, bilës ishim të bindur dhe personalisht isha bindur që do të shënonim të parët. Duke punuar dhe folur gjithë javën që të mos ndryshojmë mënyrën e lojës. Për fat të keq i lamë shumë terren kundërshtarit, mundësi për të qarkulluar topin. Më shumë mendoj se është psikologjike, nuk është se orientuam skuadrën që të mbrohet.
Zëvendësimi I Smaçit? Po vuanim aty, Ndreca dukej që po konsumohej, nuk kishte ritmin e minutave të luajtura deri atëherë. Nuk mund të them që nëse do të bëja ndërrimin më herët, nuk do pësonim. Ajo që nuk më ka pëlqyer është që sillemi ndryshe me topin kur jemi e nuk jemi në avantazh. Ne stërvitemi dhe kemi mundësi të qarkullojmë topin më mirë, por kur jemi në avantazh nuk bëjmë më atë që po bënim shumë mirë në 20 minutat e parë të ndeshjes.
Nuk ka çfarë të fshihet, u bë ndeshja e disatë dhe patjetër kemi një problem. Nuk është problem taktik, por mendoj se është problem përqendrimi psikologjik. Pastaj pjesa tjetër në fund bëhen analizat e skuadrës, deri ku janë limitet personale të lojtarëve, individuale, deri ku i kemi limitet.
Është normale që të përgatitësh një ndeshje në vendet e fundit, nuk është e thjeshtë. Por ana pozitive është që për fat të mirë skuadrat janë shumë të ngjeshura, një fitore të nxjerr. Ndonëse ne në dy ndeshje rresht çeduam duke bërë gabim, ajo që na jep shpresë e punojmë e të jemi pozitiv, bën që një fitore të qetëson. Kanë mbetur 4 ndeshje dhe duhet të mundohemi e japim mbi maksimumin tonë për të dalë nga kjo situatë”, tha Shkëmbi për RTSH pas ndeshjes.