Ndeshja mes Skënderbeut dhe Vllaznisë e vlefshme për javën e 3-të, përfundoi me fitoren e korçarëve me rezultatin 1-0.
Skënderbeu merr fitoren e parë sezonale në kampionat falë një goli të shënuar nga Bismark në minutat e fundit të takimit. Ka qenë një ndeshje e bukur, e luftuar dhe me raste, por duhet theksuar se shkodranët kanë luajtur në inferioritet numerik për më shumë se një orë, pasi Dodaj është larguar me karton të kuq.
Një gol me mjaft vlera për korçarët që u ngjitën në kuotën e 4 pikëve, ndërkohë në krahun tjetër për Vllazninë kjo ishte disfata e parë në 3 javë, pas një fitoreje dhe një barazimi.
