Kombëtarja shqiptare “Socca 6×6” në minifutboll është gati për Kampionatin Europian “Socca EuroCup 2025”, që do të zhvillohet në Moldavi nga data 4 deri më 8 qershor. Shqipëria ndodhet në Grupin E, së bashku me Gjermaninë, Gjeorgjinë, Turqinë dhe Çekinë.
Trajneri Irtan Sejko, ka publikuar listën me 11 lojtarët e përzgjedhur që do të përfaqësojnë Shqipërinë në këtë kompeticion.
Futbollistët e grumbulluar janë: Kejd Myrta, Kleidis Branica, Bernad Gllogjani, Flavio Prendi, Giovani Hoxha, Guido Tepshi, Edison Mazreku, Steven Kodra, Mario Ademi, Xhulian Reci dhe Mehmet Hoxha.
Rrugëtimi i kuqezinjve në “Socca EuroCup 2025” nis më 4 qershor, ku në ndeshjen e parë do të përballen me Gjeorgjinë, në orën 15:00.