Partizani – Tirana, është sfida e parë e javës së gjashtë të “Abissnet Superiore”, takim që do të luhet sot në stadiumin “Air Albania” duke nisur nga ora 19:00.
Të dyja skuadrat vijnë në këtë sfidë pas një nisjeje jo të mirë të kampionatit, por derbi mbetet derbi, dhe sfida më e zjarrtë e kampionatit shqiptar pritet me padurim nga të gjithë sportdashësit dhe tifozët e të dyja ekipeve.
Nga sa bëhet e ditur, tifozët mund t’i blejnë biletat online në ebileta.al ose në pikën fizike pranë stadiumit “Selman Stërmasi”, por edhe pranë stadiumit “Air Albania”.
Nesër do të zhvillohen dy ndeshjet e tjera të javës së 6-të. Dinamo City – Flamurtari do të luhet në “Selman Stërmasi” në orën 15:30. Ndërsa në “Loro Boriçi” do të zhvillohet përballja direkte për kreun, Vllaznia – AF Elbasani. AF Elbasani udhëheq kampionatin deri tani, por kuqeblutë janë vetëm një pikë larg kreut.
Dy takimet e fundit të javës së 6-të janë programuar të dielën. Vora – Egnatia do të luhet në orën 14:00 në Laç, ndërsa Teuta – Bylis në “Niko Dovana” në orën 17:00.
Abissnet Superiore – JAVA 6
Sot, e premte, më 3 tetor
Partizani – Tirana 19:00
Nesër, e shtunë, më 4 tetor
Dinamo City – Flamurtari 15:30
Vllaznia – AF Elbasani 19:00
Pasnesër, e diel, më 5 tetor
Vora – Egnatia 14:00
Teuta – Bylis 17:00
