Ka përfunduar në barazim sfida e fundit e javës së 31-të mes Egnatias dhe Vllaznisë me rezultatin 2-2.
Ndeshja u zhbllokua pas 20-minutash lojë. Goditja me të djathën e Lushkjës përfundoi në rrjetë. Me aktivizimin e Grudës në pjesën e dytë, loja e shkodranëve ndryshoi plotësisht. Ata nisën sulme të njëpasnjëshme drejt portës së Dajsinanit, goditën shtyllën, fituan një penallti që u anulua dhe në minutën e 80 gjetën barazimin me anë të Malës.
Spektakli nuk kishte mbaruar ende, pasi të dyja skuadrar shënojnë edhe nga një gol, me Fernandon dhe Grudën, në krahun tjetër.
Egnatia kryeson tabelën ndërsa Vllaznia është në vendin e 3-të. Superiorja rikthehet në fushë, me 30 mars.