Prononcimi i futbollistit elbasanas Xhonatan Lajthia, pas ndeshjes, Elbasani-Egnatia, 0-0
“Ishte një ndeshje shumë e fortë. E përballuam mirë se dolëm me të kuq në fillim, treguam karakter. E morëm lojën në dorë, më dhemb që nuk fituam.
Nga ndeshja në ndeshje jemi në rritje, sot e treguam kur dolëm me karton të kuq. Ishim solid në mbrojtje, dhe u munduam t’i kapim në kundërsulm. Bëmë lojën tonë, sulmuam dhe bëmë lojë të hapur. Ndeshje pas ndeshje jemi në rritje.
Isha pak nervoz sepse duelet ishin prezente, por e përballova dhe presionin. U ndëshkova me karton që nuk duhej, por mësim për herën tjetër.
Nuk e di a kam tre apo katër kartonë. Më duket kam tre, nuk e mbaj mend mirë.
E kishim përgatitur ndeshjen për të qenë super ofensivë. Do mundoheshim të bënim detyrat e trajnerit, fillimi i lojës ishte pak i vështirë. I rëndësishëm është reagimi që bëmë, jam shumë krenar për djemtë.
Portier? Shpresoj se jo, mos ta provoj. Jam në dispozicion të trajnerit, ekipit dhe shokëve. Do jap 100% përherë, derisa të dalim fitimtarë. Ky është karakteri im”, u shpreh Lajthia për “RTSH”.
