Një fitore vërtet të madhe ka arritur Skënderbeu pasditen e sotme në stadiumin “Skënderbeu” ndaj Dinamos me rezultatin 4-1. Ndërkohë që ky trepikësh ka bërë që për momentin Skënderbeu të parakalojë jo një,por dy skuadra dhe ta shikojë veten në vendin e 8-të të tabelës së klasifikimit. Ndërkohë Vllaznia dhe Teuta nuk shkuan më shumë se një barazim pa gola 0-0.
Po ashtu fitore mjaftë të rëndësishme arriti dhe Partizani përballë Laçit me shifrat 1-0. Gol i shënuar nga Eleke për vendasit duke bërë që trajneri Skënder Gega të debutoj me fitore në krye të Partizanit.
Tre ndeshje jan luajtur die, ndërkohë që duhet të presim edhe dy takimet e sotme për të parë renditjen përfundimtare pas javës së 32-të,por Skënderbeu me 33 pikë në tabelën e renditjes tashmë është shumë pran shpëtimit, duke parë edhe shortin e katër javëve të fundit të superligës.
Tirana që mbyll tabelën e klasifikimit dhe Teuta e vendit të 6-të, ndahen nga vetëm 2 pikë dhe kjo tregon se lufta për të zbritur nga superliga këtë sezon do të jetë e egër,me pesë ekipe që diskutojnë se cila prej tyre do të bjerë nga “Abisnet Superiore”.
Skënderbeun për momentin e ndan vetëm 1 pikë nga Teuta e vendit të gjashtë dhe po vetëm 1 pikë nga Tirana e vendit të fundit. Por, duhet të presim sot edhe duelet e Tiranës dhe Bylisit,skuadra këto që ndodhen në vendet e fundit.
Gjithsesi deri në këto momente kampionati duket se është zgjuar dhe shpresat skuadrat e renditura në vendet poshtë jan të mëdha për të shpresuar,pasi skuadrat në javët në vazhdim ndeshen me njëra-tjetrën.
Më poshtë sjellim rezultatet dhe renditjen,që tregon hapur se kjo superligë të paktën për rënien duket se është çmendur.
Dje
Partizani-Laçi 1-0
Skënderbeu-Dinamo 4-1
Vllaznia-Teuta 0-0
Sot
Bylis-Egnatia(15:00)
Elbasani-Tirana(18:00)
Renditja
1.Egnatia 55 pikë
2.Dinamo 54 pikë
3.Vllaznia 52 pikë
4.Partizani 47 pikë
5.Elbasani 40 pikë
6.Teuta 34 pikë
7.Skënderbeu 33 pikë
8.Laçi 33 pikë
9.Bylis 33 pikë
10.Tirana 32 pikë
Fatos LAMAJ