E nisur dje me tre sfidat e para: Vora – Dinamo(0-2), Elbasani – Bylis(2-1) dhe Vllaznia – Tirana(3-1), java e tetë e Abissnet Superiore vijon sot me dy ndeshje të tjera po aq interesante.
Kështu vëmendja do të jetë në Tiranë dhe Durrës. Në “Arenën e Demave” do të sfidohen mes tyre Partizani dhe Egnatia. Të kuqtë pas fitores me Flamurtarin do të synojnë një tjetër tre pikësh ndaj rrogozhinasve,ndërkohë këto të fundit tentojnë fitoren dhe vazhdimësinë për të mbajtur hapin e Vllaznisë kryesuese.
Ndërkohë në “Niko Dovana” do të përballen Teuta dhe Flamurtari. Durrsakët do të synojnë fitoren në shtëpi përballë vlonjatëve,teksa skuadrat do të luajnë të gjitha kartat e mundshme për tre pikët.
Kalendari i ndeshjeve të Javës së 8-të Abissnet Superiore
Dje 24 tetor 2025
Vora-Dinamo 0-2
Elbasani-Bylis 2-1
Vllaznia-Tirana 3-1
Sot 25.10.2025
Partizani-Egnatia ora 17:00
Teuta-Flamurtari ora 17:00
Fatos LAMAJ
