Ditën e sotme do të luhen tre ndeshje të “Abissnet Superiore”, të cilat do të transmetohen drejtpërdrejt dhe pa pagesë në rrjetin e Radio Televizionit Shqiptar.
Laçi-Tirana është sfida e parë e ditës së sotme, që do të transmetohet në orën 17:00 në RTSH Sport.
Më pas në orën 20:00 do të luhen dy takimet e tjera, që do të mbyllin javën e parë të “Abissnet Superiore”. Supersfida Partizani-Vllaznia do të luhet në “Arenën e Demave” dhe do të transmetohet në RTSH Sport, ndërsa në Korçë do të luhet takimi Skënderbeu-AF Elbasani, që do të transmetohet në RTSH 2.
Para ndeshjeve dhe pas ndeshjeve do të vijë emisioni “Supergol”, me protagonistë analistë, profesionistë, intervista me trajnerët dhe vetë lojtarët.
