Vllaznia-Partizani 0-3
(21-25, 13-25, 21-25)
Me dy fitore radhazi, e para në Tiranë dhe e dyta në Shkodër, Partizani është kualifikuar në finalen e fazës Play Off të Superligës së volejbollit shqiptar për femra. Një kualifikim për skuadrën e kuqe, që duke ditur diferencat e mëdha që ka në përbërje ndaj Vllaznisë, opinioni ishte i parapërgatitur që në finale do të shkonte skuadra kryeqytetase.
Dhe, realisht ashtu ndodhi, pasi Partizani i fitoi të dyja ndeshjet me të njëjtin rezultat, 3 e 0 në Tiranë dhe 0 me 3 në Shkodër, duke prerë i pari bileten për në finale duke pritur finalistin tjetër që akoma nuk ishte vendosur në duelin tjetër, Tirana-Skënderbeu.
Sa i përket përballjes së dytë gjysëmfinale zhvilluar pasditen e sotme në pallatin e sportit, “Qazim Dervishi” të Shkodrës, edhe pse Vllaznia pati përpjekje, sidomos në setin e parë dhe të tretë, Partizani e mbylli me fitore me rezultatin e pastër, 0 me 3.
Sa për kronikë, duhet thënë se seti i parë është mbyllur me rezultatin 21-25 në favor të Partizanit. I dyti ka edhe një dominim edhe më të madh të skuadrës mysafire teksa mbyllet me shifrat 13-25, ndërkohe që duke fituar edhe të tretin 21 me 25, e fiton të gjithë ndeshjen me rezultatin 1 me 3.
Rezultat ky, që duke i shtuar edhe fitoren e ndeshjes së parë po 3-0, Partizani shkon në finale, që siç u mësua më vonë pas përfundimit të gjysëmfinales tjetër, do të ketë kundërshtar ekipin korçar Skënderbeu.
Ndërkohë, që Partizani shkon në finale, për Vllazninë mbyllet këtu, duke u eleminuar nga faza Play Off. Që do të thotë, se nisur nga ajo që është e vetmja skuadër në kampionatin shqiptar e tëra bio me element shkodran, si dhe me moshën më të re në kampionat, vetëm 17 vjeçare, merr vlerësime pozitive për këtë arritje.