Është mbyllur në barazim 1-1 sfida mes Egnatias dhe Vllaznisë, që çeli javën e 13-të të kampionatit Abissnet Superiore në RTSH. Pas kësaj sfide ka folur trajneri i Egnatias, Edlir Tetova.
“Në pjesën e parë kishte vetëm një skuadër në fushë, Egnatia. U munduam të ndërhynim në ekip. Lojtarët që hynë kthejnë ndeshjen, por nuk kishte efikasitet. Duke parë që kundërshtari mori masa duke qëndruar me 4 mbrojtës, na vështirësoi dhe loja në sulm. Bakayoko ka një kohë të gjatë pa luajtur dhe nuk është i gatshëm për të marrë minutazhin mbi 60 apo 70 minuta. Ishim të detyruar pasi sulmuesi tjetër Yaya ka qenë jashtë gjatë kësaj jave.
Forma e Zejnullait dhe Regit Lushkjës nuk ishte optimale në pjesën e dytë.
Ekipi u lodh? Nuk mendoj që u lodh ekipi. Rezervat ndryshojnë lojën, por këtë gjë nuk e bënë dhe kjo na penalizoi”, tha Tetova.
