Egnatia ka fituar me shifrat 3-1 përballë Elbasanit në një duel të vlefshëm për javën e 15-të të Abissnet Superiore. Trajneri i Egnatias, Edlir Tetova, ka folur pas ndeshjes:
“Mendoj që pjesën e parë nuk ishim në qarkullimin e topit, aq mirë për të ruajtur ritmin. Dhe për shkak se lojtarët e mesfushës së Elbasanit ishin në markim 1 me 1. I citova në pushim mesfushorët të bëjnë lëvizje të tjera në zona boshe, më pas çdo gjë e kishim nën kontroll.
Do t’i japim minutazhin e duhur Kasës, ka cilësi të mirë për përpara. I shërben ekipit. 20 minuta sepse ka 3 javë pa ekipin dhe kështu e justifikoi.
Rama tani është një lojtar që është goxha gjatë në ekip, sot bëri ndeshje shumë të mirë. Dha dhe asist, po ashtu dhe iniciator te goli i dytë.
Alijev nuk është në pozicionin e vet, por mendoj duke dhënë dhe ai çfarë bën më shumë se duhet, mendoj defekt i atij sot. Po ndeshje ka plot dhe do jetë dhe ai në manovër”, u shpreh Tetova për RTSH.