Teuta u është kthyer përsëri fitoreve në kampionat dhe e ka mposhtur rivalin direkt për mbijetesën Skënderbeun, në një sfidë që është cilësuar si në finale e mirëfilltë mes dy skuadrave, me rezultatin 1-0 falë golit të Tomës.
Sfida është vendosur nga goli i Tomës që në minutat e parë të ndeshjes, një gol i cili u përjetua me polemika fillimisht nga vendasit për anulimin e tij nga kryesori e më pas nga miqtë për kthimin e vendimit pasi rishikimit të pamjeve me VAR. Më pas, rastet për të shënuar ishin me pikatore, pasi të dy skuadrat nuk kishin qartësinë dhe saktësinë e duhur për të rrezikuar portën.
Ekipi durrsak tashmë është ngjitur në vendin e shtatë me 33 pikë, po aq ka Bylisi i një vendi më poshtë dhe Tirana me 32 pikë në vendin e 9-të. Skënderbeu pozicionohet në fund të renditjes me 30 pikë të grumbulluara.