Tirana-Teuta 0-0
TIRANA: Selmani, Mici, Përgjoni, Dembele, Kola, Gjumsi, Soler, Haxhiu, Abah, Bajroviç, Zharmuni. Trajner: Gugash Magani
TEUTA: Tafas, Marku, Jazxhi, Kotobelli, Kruja, Beqja, Lloci, Boçi, Torraj, Arifi, Nasr.
Trajner: Edi Martini
Tirana-Teuta ishte ndeshja përmbyllëse e javës së 17-të të Kategorisë Abissnet Superiore. Një ndeshje shumë e dyluftuar, ku të dyja skuadrat e kërkuan fitoren deri në sekondat e fundit të minutave shtesë.
Dy skuadra që gjenden në rivalitet me njëra tjetrën në tabelën e klasifikimit, të cilat synojnë të kapin zonën e “Final 4”.
Megjithatë, sfida e luajtur në stadiumin “Arena Kombëtare” të kryeqytetit nuk ka prodhuar asnjë gol duke bërë që e gjithë ndeshja të mbyllej në barazim 0 me 0.
Me këtë barazim, Teuta pozicionohet në vendin e 6-të me 19 pikë, por që nuk njeh fitore gjatë gjithë fazës, që nga suksesi 3-1 pikërisht përballë bardhebluve në fazën e parë.
Një pikë pas Teutës renditen bardheblutë që koleksionojnë barazimin e katërt radhazi(12 barazime në total), të tretin pa gola(1-1 me Elbasanin, 0-0 me Partizanin, 0-0 me Skënderbeun dhe 0-0 me Teutën) duke u ngjitur në kuotën e 18 pikëve, vendi i 7 në kampionat.
