(Video) 𝗠𝗯𝘆𝗹𝗹𝗲𝘁 𝗺𝗲 𝘀𝘂𝗸𝘀𝗲𝘀 𝗸𝘂𝗿𝘀𝗶 𝗨𝗘𝗙𝗔 𝗖 𝗻𝗲̈ 𝗧𝗶𝗿𝗮𝗻𝗲̈, 𝘁𝗿𝗮𝗷𝗻𝗲𝗿𝗲̈𝘁 𝗲 𝗿𝗶𝗻𝗷 𝗿𝗿𝗲̈𝗳𝗲𝗷𝗻𝗲̈ 𝗲𝗺𝗼𝗰𝗶𝗼𝗻𝗲𝘁 𝗲 𝗱𝗶𝗽𝗹𝗼𝗺𝗶𝗺𝗶𝘁 & 𝗼𝗯𝗷𝗲𝗸𝘁𝗶𝘃𝗮𝘁

Federata Shqiptare e futbollit ka mbyllur me suksesin kursin e trajnerëve të futbollit për leçnsën e kategorisë C. Në mbyllje të kursit ka qënë Sekretari i Përgjithshëm i FSHF-së, Ilir Shulku, i cili ka uruar pjesëmarrësit për kompletimin e kursit dhe marrjen e licensës së trajnerit UEFA C, ndërkohë që ka shprehur besimin që ata të japin kontributin e tyre në zhvillimin e futbollit përmes ushtrimit të këtij profesioni. Nga ana e pjesëmarrësve të këtij kursi, janë shprehur emocionet e tyre, ish futbollistja Esmeralda Beshi dhe Sokol Backa, i cili jeton në Francë, ku aktivizohet në futbollin amator.

𝗘𝘀𝗺𝗲𝗿𝗮𝗹𝗱𝗮 𝗕𝗲𝘀𝗵𝗶: “Si një ish-futbolliste tani i kam hyrë rrugës së trajnimit. Sot morëm licencën e trajnerit të nivelit UEFA C, që është baza për hapat e para në rrugën e trajnimit dhe që njëkohësisht i jep akoma më shumë prioritet edhe zhvillimit të futbollit të vajzave në Shqipëri. Kursi ishte i organizuar shumë mirë dhe njohuritë që morëm ishin shumë cilësore për të na ndihmuar në të ardhmen në karrierën tone”.

𝗦𝗼𝗸𝗼𝗹 𝗕𝗮𝗰𝗸𝗮, i cili jeton në Francë dhe luan gjithashtu futboll për pasion, thotë: “Dëshira ime më e madhe ka qenë ajo për të ndjekur rrugën e trajnimit. Jo vetëm pasioni, por dëshira për të ndihmuar edhe të tjerët, më të rinjtë, që të arrijnë në nivelet më të larta të futbollit. Me eksperiencën e licensës UEFA C mund të them atë shprehjen një fillim i mirë është gjysma e punës.

Të gjithë personat që pajisen me licencën e trajnerit UEFA C kanë mundësinë të trajnojnë skuadra në futbollin amator, por mund të punojnë si zëvendës-trajnerë me ekipet e moshave që marrin pjesë në kampionatet e të gjitha niveleve të organizuara nga FSHF në vend.

(Video) Ceremonia e mbylljes së kursit të tranerëve të futbollit, UEFA C, dhe prononcimet e të sapo diplomuarve, Esmeralda Beshi dhe Sokol Backa.