Amir Brahimi ka vite që është pjesë e Akademisë së Futbollit Vllaznia. Që nga mosha 14 vjeç me trajner Brikeno Bizin, për të vazhduar me ekipe dhe trajnerë të tjerë moshash, për të mbërritur në ekipin e parë të Vllaznisë, është një punë këmbëngulëse, e lodhshme dhe plot pasion, por Amiri ia ka dalë.
Në ndeshjet e Kupës së Shqipërisë si dhe javët e fundit të kampionatit që lamë pas, Brahimi ishte pjesë e ekipit të parë, madje duke marrë minuta në fushën e lojës. Ndërkohë, sot ishte moment i shumëpritur kur ai arriti të firmosë një kontratë zyrtare me KF Vllaznia, e para profesioniste në karrieren e tij sportive. Ndaj, për këtë, Amir Brahimi e shpreh qartë edhe në videoklipin e realizuar nga sektori i marketingut në mjediset e stadiumit “Reshir Rusi” si dhe “Loro Boriçi”.
“𝐀𝐦𝐢𝐫 𝐁𝐫𝐚𝐡𝐢𝐦𝐢 𝐟𝐢𝐫𝐦𝐨𝐬 𝐭ë 𝐩𝐚𝐫ë𝐧 𝐤𝐨𝐧𝐭𝐫𝐚𝐭ë 𝐩𝐫𝐨𝐟𝐞𝐬𝐢𝐨𝐧𝐢𝐬𝐭𝐞 𝐦𝐞 𝐕𝐥𝐥𝐚𝐳𝐧𝐢𝐧ë. 𝐌𝐛𝐫𝐨𝐣𝐭ë𝐬𝐢 𝐢 𝐚𝐫𝐝𝐡𝐮𝐫 𝐧𝐠𝐚 𝐀𝐤𝐚𝐝𝐞𝐦𝐢𝐚, 𝐝𝐨 𝐭ë 𝐣𝐞𝐭ë 𝐢 𝐯𝐞𝐬𝐡𝐮𝐫 𝐧ë 𝐭𝐫𝐞 𝐯𝐢𝐭𝐞𝐭 𝐞 𝐚𝐫𝐝𝐡𝐬𝐡𝐦𝐞”, është postimi zyrtar i përcjellë në rrjetet sociale nga drejtuesit e KF Vllaznia.
