Vllaznia-Tirana 32-60(7-24, 17-8, 8-13, 0-15)
Një sfidë disi e pabarabartë ishte ajo e basketbollit për femra mes Vllaznisë dhe Tiranës. Themi e pa barabartë, për faktin se përballë një Vllaznie, e tëra me element të ri bio të basketbollit shkodran, ishte Tirana, në gjirin e së cilës kishte plot pesë basketbolliste të huaja.
Në të tilla kushte, skuadra bardheblu dikton që në nisje të takimit teksa kryeson dhe e mbyll periodën e parë me shifrat 7 me 24. Perioda më e mirë e Vllaznisë ishte ajo e dyta, të cilën e fiton me shifrat 17-8, por në dy të tjerat në vazhdim dominimi i Tiranës është i padiskutueshëm. Përpos fitores së periodës së tretë 8-13, për rekord është perioda e katërt, gjatë së cilës Vllaznia nuk arrin të shënojë asnjë pikë përkundër 15 të Tiranës, e cila e mbyll të gjinë ndeshjen me rezultatin e përgjithshëm, 32-60.
Humbjen e thellë me 28 pikë diferencë e pranon edhe basketbollistja titullare e Vllaznisë, Bernada Reshpja, sipas së cilës diferencën e bënë lojtaret e huaja të Tiranës. Megjithatë, është optimiste se Vllaznia ka forca që të realizojë objektivin e renditjes në katër më të mirat e kampionatit.
Ndërkohë, nga ana tjetër, trajnerja e Tiranës, ish basketbollistja e famshme bardheblu Mirza Alibegaj, teksa vlerëson Vllazninë për elementin e perspektives që ka në dispozicion, deklaron haptazi objektivin e shpalljes kampion të skuadrës që ajo drejton.
(Video) Prononcimet e basketbollistes kuqeblu Bernada Reshpja dhe trajneres së Tiranës, Mirza Alibegaj, pas ndeshjes, Vllaznia-Tirana, basket femra, 32-60.