Vllaznia dhe Skënderbeu do të përballen pasditen e së shtunës së 15 marsit në stadiumin “Loro Boriçi”, ndeshje kjo e vlefshme për javën e 30-të të Abissnet Superiore. Në pritje të kësaj sfide, e cila është planifikuar të nisë në orën 18:00, trajneri i kuqebluve, Tomas Brdariç doli në konferencen e zakonshme për shtyp.
Gjatë komunikimit me gazetarët e pranishëmn, Brdariç është shprehur se Vllaznia është e gatshme për të marrë fitoren tre pikëshe në përballjen e nesërme. Sipas tij, edhe pse Skënderbeu është i fundit në renditje, kjo nuk merret parasysh nga skuadra e tij, pasi do të futet në fushën e lojës e mobilizuar dhe vetem për fitore.
I pyetur për problemet që shfaqi skuadra kuqeblu në pjesën e parë të ndeshjes së kaluar me Tiranën, Brdariç, thotë se i kemi marrë masat e duhura për të riparuar defektet e konstatuara në mënyrë që përballë korçarëve të mos përsëriten.
“Ishim shumë të ngadalshëm në fillim të ndeshjes kundër Tiranës, idetë nuk funksionuan dhe kjo është diçka që duhet të ndryshohet. Ne jemi duke punuar, duke marrë masat që të mos shfaqim ato difekte që shfaqëm pjesën e parë kundër Tiranës por duhet të kuptojmë se ata luajtën shumë në mbrojtje, na priti që në mesin e fushës dhe na e bëri të vështirë të çajmë nga qendr. Duhet të përmirësojmë qarkullimin e topit e sidomos, që është ADN- ja jonë këtë sezon, që të shkojmë sa më shpejt në fazën e fundit, që është porta e kundërshtarit.”, tha Brdariç.
Pjesë e konferencës së sotme ishte edhe ndërrimi i Balajt në ndeshjen e kaluar me bardheblutë, për të cilën është dukur një farë qejmbetje nga kapiteni, Brdariç, sqaroi se me lëvizjet që bëhen në skuadër ka një mirëkuptim mes dy palëve për të mirën e ekipit.
Në vijim, gjermani i pankinës kuqeblu ndërsa preku edhe edhe ndeshjet e Kupës së Shqipërisë, ku gjysmëfinalja e parë me Dinamon luhet me datë 2 prill, ndërkohë që premtoi se shumë shpejt, gjatë konferencave të shtypit do të flasë shqip.
(Video) Prononcimin e plotë të trajnerit Tomas Brdariç në pragsfidën me Skënderbeun, mund ta ndiqni në kanalin tonë zyrtar, Veriu Sport-YOUTUBE.