FC Scutari U13-Atletik Klub Shkodra U13, 2-1
(Shënues: Arianit Hasaj, Irgen Hysa/Dejvi Ajazaj)
Formacioni i FC Scutari U13: Koljan Lula, Arianit Hasaj, Irgen Hysa, Ajet Uruçi, Griseld Zaraj, Anton Ledinaj, Bjorn Zenelaj, Rejan Zalli, Bjordi Planaj, Albjon Troja, Rigers Molla, Lisard Kallamoqi, Mirel Alushi, Xhovani Shpijati, Ledion Qershija, Arlind Rosaj. Trajner: Erjon Hasaj dhe Met Hasaj
Kampionatet Rajonale të futbollit për zoën e Shkodrës të organizuar nga Shoqara Rajonale e futbollit Shkodër dhe FSHF, pasditen e së dielës, kanë pasur në kalendar një finale shumë interesante që i përket kategorisë U13, atë mes FC Scutari dhe Atletiok Klub Shkodra.
E gjykuar nga arbitri Arlind Kastrati, finalja në fjalë e luajtur pasditen e së dielës në Kompleksin Sportiv Zmijani ka dhuruar mjaft emocione. 30-të minutat e pjesës së parë janë mbyllur me rezultatin e barabartë, 1 me 1 me gola të shënuar nga Arianit Hasaj për Scutarin dhe Dejvi Ajazaj për Atletikun.
Në pjesën e dytë FC Scutari me trajner vëllezërit Erjon dhe Met Hasaj gjejnë golin e avantazhin me autorë Irgen Hysa. Minutat e mbetura shoqërohen me një luftë të fortë sportive, Atletik Klub Shkodra në kërkim të golin të barazimit për ta çuar ndeshjen në shtesë dhe FC Scutari për të administruar avantazhin.
Vërshëllima e fundit e arbitrit Kastrati lë në fuqi rezultatin 2 me 1 në favor të FC Scutari që shpallet kampione për kategorinë e moshës U13. Trofeu i titullit kampion është i dyti në harkun kohor të një javë për këtë klub, i cili më herët fitoi edhe Kupën “Lekë Koçobashi” duke mundur në finale ekipin e Basanias.
Pas ndeshjes dhe ceremonisë së mbylljes së aktivitetit, ku përfaqësuesit e Shoqatës Rajonale të futbollit Shkodër, Lazër Matija, Hysen Zmijani dhe Klazër Shkëmbi, shpërndarë kupat përkatëse, trajneri i FC Scutari Erjon Hasaj, shprehet i kënaqur për fitimin e titullit kampion për U13, ndërkohë që të njëtën theksoi edhe për paraqitjen e të gjithë grupmoshave të tjera, në përbërje të të cilëve bëjnë pjesë elementë cilësorë të perspectives.
(Video) Pamje nga ndeshja finale FC Scutari U13-Atletik Klub Shkodra U13, 2-1, ceremonia e mbylljes së aktivitetit si dhe prononcimi i trajnerit të FC Scutari, Erjon Hasaj.
Gaspër MARKU
