Është zhvilluar finalja e Kampionatit Kombëtar të Futbollit 5×5, kompeticion i organizuar nga FSHF, ku u përballën skuadrat ATS dhe Julton.
Finalja e luajtur në Kompleksin Koldashi përfundoi me fitoren e ATS me rezultatin 3-1 ndaj Julton, duke kurorëzuar ATS si kampione të këtij sezoni.
Erald Leci hapi serinë e golave për ATS, ndërsa Ervin Cera realizoi dy herë për të vulosur suksesin e skuadrës së tij. Golin e vetëm për Julton e shënoi Rei Qilimi.
Në përfundim të ndeshjes u zhvillua edhe ceremonia e dorëzimit të trofeut, ku kupën për skuadrën fituese ATS e dorëzoi Specialisti i Futbollit Amator në FSHF, Erald Muça.
Finalja
ATS – Julton 3-1
Golat
ATS: Erald Leci, Ervin Cera (2)
Julton: Rei Qilimi
