Me ndeshjen KF Vllaznia Futsal-Tigers Roermond, luajtur mbrëmjen e së shtunës, është mbyllur Turneu Ndërkombëtar Uefa Futsal Champions League, i zhvilluar nga data 27-30 gusht në Parkun Olimpik të Tiranës.
Një aktivitet, që pati në konkurim katër skuadrat e grupit B, kampionet e Holandes, Malit të Zi, Islandes dhe të Shqipërisë përfaqësuar nga Vllaznia.
Një turne, që me kërkesën e KF Vllaznia e Shkodrës, u miratua nga institucioni i UEFA-s për tu zhvilluar në kryeqytetin shqiptar, Tiranë.
Dhe, pas më të voglin dyshim, për katër ditë me radhë ishte Ok duke spikatur për një organizim model në të gjitha drejtimet, brenda dhe jashtë fushës së lojës.
Në krye të të gjithë këtij organizimi ishte Presidenti i KF Vllaznia Futsal, Fisnik Barbullushi, i cili gjatë ceremonisë së mbylljes së aktivitetit, ka përshëndetur të gjithë pjesëmarrësit, ekipet sportive me stafet e tyre, trupën gjykuese, dhe të gjithë faktorët e tjerë që kontribuan në organizimin e turneut, gjë të cilën e shpreh edhe në postimin e tij në rrjetet sociale:
“Tana falenderimit i takojnë Zotit i cili vendos mbi fatin e rrugëtimeve tona.
I jam shumë mirënjohës Atij që më lejoj të përjetoj emocionet e veçanta të ekipit tonë KF Vllaznia Futsal në daljen e parë Europiane në Uefa Futsal Champions League.
Faleminderit çunave të ekipit, trajnerit dhe stafit që me mund dhe sakrificë arritëm prekim arenën Europiane.
Faleminderit Federata Shqiptare e Futbollit dhe veçanërisht Drejtorit të Turnamentit, Jurgen Demneri, për suportin e vazhdueshëm në organizimin e këtij kompeticioni.
Faleminderit të gjithë mbështetësve dhe sponsorave, veçanërisht Ardit Rrashi të Nur n’Gjuhadol, i cili ka qënë afër në këto ditë intensive të turnamentit.
Faleminderit të gjithë atyre që ishin të përfshirë në këtë event.
A big Thank You to all participating teams Tigers Roermond, KMF Bajo Pivljanin and FC Ísbjörninn for your patience and collaboration. It has been a privilege for us to host this event and thank you again for creating such an amazing sporting atmosphere.
Thank you to UEFA Futsal referees team.
KF Vllaznia Futsal asht projekt afatgjatë dhe me ndihmën e Zotit do jemi gjithmonë pretendent për të që pjesë e Elitës së Futsallës Europiane.
Kryt Nalt!, shkruhet në postimin e Presidentit të KF Vllaznia Futsal, Fisnik Barbullushi.
(Video) Intervista e Presidentit të KF Vllaznia Futsal, Fisnik Barbullushi, dhënë Veriu Sport, për Turneun Ndërkombëtar Uefa Futsal Champions League, zhvilluar nga data 27-30 gusht në Parkun Olimpik të Tiranës.
Gaspër MARKU
