I ndarë nga jeta mbrëmjen e djeshme në moshën 91 vjeçare, Vehbi Sulejmani, një nga figurat më të spikatura të sportit shkodran, është përcjellë me nderime dhe respekt për në banesën e fundit mesditen e së martës nga komuniteti shkodran. Në homazhet e kryera në hollin e prefekturës që qarkut Shkodër, krahas të tjerëve kanë qënë edhe përfaqësuesit e zyrës së sportit të Bashkisë Shkodër, ku drejtori i kësaj zyre Auron Miloti ka folur me respekt dhe konsideratë për figurën e profesor Sulejmanit.
Ndërkohë, me shumë respekt kanë folur për ish trajnerin e tyre Vehbi Sulejmani, edhe volejbollistë dhe trajnerë të volejbollit që kanë pasur rastin të bashkëpunojnë me profesorin, Mark Kroqi, Valbona Quku dhe Artan Kalaja.
(Video) Pamje nga homazhet e kryera në hollin e prefekturës Shkodër në nderim të figurës së shquar sportive të Vehbi Sulejmanit, si dhe prononcimet e drejtorit të sportit në Bashkinë Shkodër, Auron Miloti, si dhe sportistëve dhe trajnerëve Mark Kroqi, Valbona Quku dhe Artan Kalaja)
Gaspër MARKU
