Vllaznia U21 e drejtuar nga trajneri Edmond Doçi fitoi në javën e parë të Kampionatit Kombëtar të Superligës U21, me rezultain e thellë 5 me 0 ndaj Dinamos. Një ndeshje ku spikatjen më të madhe e pati mesfushori Ersi Zaganjori, i cili tundi plot tre herë rrjetër e portës dinamovite, ndërkohë që dy golat e tjerë i shënuan Kevin Dodaj dhe Gledian Pusi. Menjëherë pas ndeshjes, Zaganjori ka folur për ndeshjen si dhe të ardhmen e tij duke patur si objektiv kryesor, marrjen e minutave sa më shumë në ekipin e parë kuqeblu
Ersi, tre gola sot ndaj Dinamos U21, njëri më i bukur se tjetri. Mendoni se ishte dita e juaj sot?
Po, sot, mendoj se ishte dita ime, i lumtur me tre golat dhe shpresoj të vazhdoj kështu.
Jeni rikthyer pas një dëmtimi, jeni në formë tashmë?
Jam i gatshëm për ekipin dhe shpresoj të vazhdoj kështu, pse jo edhe tek ekipi i parë me minuta sa më shpejt.
Ka një mesazh Zaganjori për trajnerin Brdariç që ishte i pranishëm në ndeshje së abshku me të gjithë stafin e tij?
Detyra e ime është për të dhënë maksimumin, gjithkund ku të më jepet mundësia, atë e kanë në dorë profesorët për të më dhënë minuta, dhe atëherë unë bëj më të mirën për ekipin.
Në përgjithësi, skuadra si funksiunoi sot ndaj Dinamos?
Shumë mirë ishim. Luajtëm kryesisjht lojtarët e ekipit të parë ku patëm mundësi të marrim minutat e duhura, na shërbeu shumë mirë.
Natyrisht të shënosh tre gola, nuk mund t’i shmangesh pyetjes, dedikimi për këtë shkon në këtë rast?
Dedikimi shkon për babain tim dhe familjen time, e cila më mbështet gjithmonë dhe kanë besim tek unë.
Ky tre golësh është një kandidaturë për “Këpucën e artë” të U21-shit?
Të them të drejtën, unë jap maksimumin, bëj lojën time, dalin golat dhe është mirë. Detyra e ime është me lujtë mirë, me dhënë topa për sulmuesit, dhe kur del goli është edhe më mirë.
Cili nga golat e sotëm ishte më e veçantë për ju?
Them se goditjet e dënimit janë preferenca e imja, kam shënu gjithmonë nga goditjet standarte.
(Video) Pamje nga golat e shënuar prej tij në ndeshjen, Vllaznia U21-Dinamo U21(5-0), si dhe prononcimi i tij për gazetarët në video.
Intervistoi: Gaspër MARKU
