Basania FC luajti ndeshjen e parë të vitit 2025 përballë KF Adriatik, ku përpos epërsisë, dy shtyllave të goditura në portën kundërshtare, skuadra mike doli fituese me rezultatin 0-1. Në prononcimin e dhënë menjëherë pas ndeshjes, zv.trajneri i Basanias, Mario Kola thekson se skuadra e tyre ishte e pafat në këtë ndeshje, dhe duke i kërkuar falje tifozëve premton rikthiin tek fitorja në ndeshjet e ardhshme.
Profesor Mario, përpos epërsisë ndaj kundërshtarit, e filluat me humbje vitin 2025, ju vjen keq?
Na vjen shumë keq për këtë humbje, e kishim përgatitë gjatë të gjithë javës këtë ndeshje. Kemi punuar me çunat që nga fillimi i janarit, humbën shumë raste, mund të them se na dënuan shumë ato raste, por ky është futbolli, kur nuk shënon e pëson.
Afrimet në merkaton e janarit, sa ndikuan?
Të them të drejtën, lojtarët e ardhur bënë mirë, madje ishin edhe të spikatur në fushën e lojës, por siç e thashë më herët, rsatet e shumta q ëhumbën bënë që ne të dilnim me rezultat negative në këtë ndeshje.
Për ju dhe kolegun tuaj Erjon Mani, kjo ndeshja e parë si trajner në krye ta Basanias për vitin 2025. Kjo humbje, nuk besojmë se e demoralizon skuadrën dhe stafin teknik.
Përkundrazi, do të mundohemi të gjejmë forcën e duhur që të ecim përpara dhe të bëjmë më të mirën në ndeshjet e ardhshme, dhe pse jo të arrijmë objektivat që kemi në fund të sezonit.
Ku luhet ndeshja e ardhshme?
Ndeshjen e ardhshme e luajmë kundër Luzit 2008 kryesues, do të mundohemi që të bëjmë më të mirën tonë, edhe pse është një ndeshje normalisht e vështirë. Do të stërvitemi me përkushtim gjatë të gjithë javës dhe shpresojmë të na dalë me sukses.
Këto pikë që u humbën sot në shtëpi, duhet të kompensohen rrugës, pse jo që në ndeshjen e ardhshme?
Shpresojmë që po, do të mundohemi të bëjmë më të mirën e mundshme dhe do t’i motivojmë edhe çunat, ku pavarësisht rezultatit të sotëm, kanë bërë një ndeshje shumë të mirë.
Dhe, në mbyllje, ju vjen keq për tifozët e shumtë bushatas që ashtu si edhe herët e tjera, ishin në mbështetje të skuadrës.
Patjetër, që tifozi, siç themi ne është lojtari i 12-të. Më vjen keq se ato vijnë, sakfikojnë, disa lënë edhe punën e tyre për të ndjekur nga afër ekipin e Basanias. I kërkojmë shumë falje, sepse i kemi zhgënjy me humbje në këtë ndeshje, por shpresojmë të gjejmë forcën e dutur për t’i kompensuar këto pikë të lëna në ndeshjet e ardhshme.
(Video) Prononcimin e plotë në video të Zv.Trajnerit të Basanias, Mario Kola, mund ta ndiqni në kanalin tonë zyrtar, Veriu Sport-YOUTUBE.
Gaspër MARKU
