Pas një paraqitje jo të mirë në sfidën e së dielës me Teutën për javën e 32-të të Superiores, Vllaznia luan të ndryshojë situatën duke kaluar me sukses ndeshjen e parë gjysmëfinale të Kupës së Shqipërisë., ku përballë do të ketë Dinamon
Sdida në fjalë është planifikuar të luhet të mërkurën e 2 prillit në stadiumin “Loro Boriçi” duke filluar nga ora 19:00, ndërkohë që mesditën e sotme trajneri i kuqebluve ka dalë para gazetarëve, kur ndër t tjera është ndalur edhe tek ngjeshja e ndeshjeve në çdo tre ditë.
“Kjo frekuencë e ndeshjeve në çdo tre ditë më rikthen pas në kohë, sepse më kujton periudhën kur luaja si lojtar në Champions League. Mezi po i pres sfidat e radhës, sepse është vërtetë i bukur ky moment, kur jemi në garë për të dy trofetë e sezonit. Duhet të ruajmë energjinë pozitive si ekip dhe të mbështesim lojtarët në fushën e blertë”, u shpreh Brdaric
Tekniku Brdariç vlerëson kundërshtarin e radhës, Dinamon për të gjithë atë çfarë ka treguar deri më tani.
“Dinamo ka zhvilluar një sezon shumë të mirë deri tani. Ata kanë një trajner shumë të mirë dhe lojtarë me përvojë. Ne gjithashtu jemi një skuadër e fortë dhe nesër dua të shoh entuziazëm tek lojtarët në fushën e lojës”, vijoi Brdaric
Vllaznia do të vuajë sërish mungesën e Balës në fushën e lojës.
“Edhe para ndeshjes me Teutën patëm mungesa dhe ndërrimet e hershme gjatë saj na humbën ekuilibrin në lojë. Jam i ndërgjegjshëm që edhe në këtë ndeshje pa sulmuesin kryesor Balaj nuk do të jetë e lehtë, por duhet të japim më të mirën në fushën e blertë”, theksoi Brdaric .
Në mbyllje, i pyetur nga gazetarët, gjermani i pankinës kuqeblu, Thomas Brdariç, komentoi një deklaratë të tijën pak muaj më parë, ku pat thënë se çdo natë ëndërron titullin kampion, për të cilën u shpreh, se beson fort që do të bëhet realitet, gjë e cila do të gëzonte pa masë tifozërinë shkodrane.
(Video) Prononcimin e plotë të trajnerit kuqeblu, Ttomas Brdariç, mund ta ndiqni në kanalin tonë zyrtar, Veriu Sport-YOUTUBE.