Lekë Koçobashi, është një nga emrat simbol të futbollit shkodran në vite. Falë shpirtit të lartë luftarak që e karakterizonte në fushën e lojës, Koçobashi, konsiderohet futbollisti unikal i viteve 70-të në radhët e Vllaznisë kampione.
Ndonëse është në kujfijtë e 80-të vjetorit të lindjes, falë energjive të pashtershme që e kanë karakterizuar përherë në fushën e lojës, Lekë Koçobashi është mjaft aktiv edhe sot në jetën e përditshme.
Vitet e fundit është zhvendosur me familjen e tij në Shtetet e Bashkuara të Amerikës, por Shkodrën e tij asjëherë nuk e ka harruar. Dhe, në të njëjtën kohë, edhe Shkodra nuk e ka harruar. Dhe, pikërisht në kufijtë e 80-të vjetorit të lindjes, Shoqata e Rajonale e Futbollit Shkodër me kryetar Lazër Matinë si dhe kolegët e tij drejtues, Hysen Zmijani dhe Klazër Shkëmbi, ka nderuar ish futbollistin kampion të Vllaznisë Lekë Koçobashi me një Kupë me emrin e tij në futbollin e moshave.
Trofe i cili, pasi ka kaluar turet eleminatore, ka përballuar në finale e 15-të vjeçarëve dy skuadrat më të mira, Basania FC dhe FC Scutari, sfidë e cila pas një lufte të fortë sportive u mbyll me fitoren e FC Scutarit me rezultatin 3 me 0.
Ceremonia e dorëzimit të trofeut, pjesë e së cilës ishte vetë protagonisti i kësaj Kupe, Lekë Koçobashi me njerëzim më të afërt të familjes së tij, por edhe ish kolegët e fushës së lojës, Rauf Çanga, Ahmet Meta, mjeku sportiv Zyhdi Çoba, etj, është shoqëruar me emocione të shumta. Ku, natyrisht, pas përshëndetjeve të rastit nga kreu i shoqatës rajonale futbollit Shkodër, Lazër Matija dhe vetë Lekë Koçobashit, ka qënë ky i fundit që i ka dorëzuar kapitenit të FC Scutarit trofeun e rastit.
(Video) Pamje nga ceremonia e mbylljes së Kupës “Lekë Koçobashi”, finalen e së cilës, Basania FC-FC Scutari e fitoi me rezultatin 3-0, Scutari.
Gaspër MARKU
