Elbasani përmbys Tiranën dhe fiton 2-1, në ndeshjen e fundit të kësaj xhiroje në Superiore.Në “Elbasan Arena”, ndeshja filloi me ritëm të lartë, me të dy skuadrat që e nisën në sulm. Bardheblutë kaluan në epërsi pas 11 minutash lojë.
Përgjoni përfitoi në maksimum nga një rrëmujë në zonë dhe nga fare pranë, ia doli që të dërgojë topin në rrjetë.Elbasani provon të reagojë dhe e bën diçka të tillë, duke paralajmëruar kryeqytetasit.
Në minutën e 28-të, Olberkis godet me kokë por nuk tregohet i saktë, edhe pse portieri Selmani kishte “boshatisur” portën.Për golin e barazimit duhet të vinte minuta e 72-të. Një harkim perfekt i Lilës gjen Qosen, i cili koordinohet si duhet dhe realizon me kokë.Në minutat shtesë Qose kompleton dopietën duke përmbysur sfidën.
Me këtë rezultat, Tirana është në vendin e fundit me 32 pikë. Takimi i radhës për ekipin e Shkëmbit është derbi ndaj Partizanit.
Në krahun tjetër, Elbasani është në vendin e pestë me 43 pikë dhe do përballet me Egnatian në Rrogozhinë.
Trazira pas ndeshjes Elbasani -Tirana
Atmosfera e sfidës Elbasani-Tirana, ka qënë e ndezur, para, gjatë dhe pas ndeshjes, jo vetem në mjediset e stadiumit “Elbasan Arena “, aty ku ra në sy numri i lartë i tifozëve vendas, por që pati edhe një grup tifozësh bardheblu që kishin ardhur për të mbështetur skuadrën e tyre.
Koret ofenduese të tyre nuk kanë munguar gjatë ndeshjes dhe të dyja tifozëritë njihen për rivalitetin që kanë ndër vite.
Pasi gjithçka ishte mbyllur, nuk munguan trazirat me tifozët verdheblu që po ofendoheshin në distancë me bardheblutë. Policia ishte e pranishme me forca të shumta, për të shmangur përplasjen fizike të cilat u tentuan disa herë edhe gjatë ndeshjes.
(Video) Pamje nga atmosfera e javës së 32-të të Superiores, AF Elbasani-Tirana.
Fatmir POPJA-Elbasan