Egnatia-Bylis, është dueli i parë që hap serinë e ndeshjeve të javës së 23-të të kategorisë Abissnet Superiore. Në prag të kësaj sfide, e cila luhet në “Arena Egnatia” duke nisur nga ora 13:30, trajneri i rrogozhinasve Edlir Tetova, ka dalë në një konferencë shtypi. Ndër të tjera, ai ka vlerësuar ecurinë ndeshjeve pozitive që ka zhvilluar Bylisi, por nga ana tjetër ka kërkuar fitores e radhës për të mbajtur kreun e renditjes, ndërkohë që ka bërë të ditur se merkato e Egnatias është mbyllur me 4 prurje dhe 3 dalje
“Gjendja e skuadrës paraqitet e mirë përveç Fernandos dhe Malotës, grupi është i plotë. Në futboll mendoj që e gjithë skuadra mbron dhe sulmon, të paktën ashtu siç e shikoj unë. Mbrojtja i ka realizuar shumë mirë detyrat dhe ka meritat e veta. Mendoj që Fernando është një vlerë e shtuar, ka bërë mirë ato dy vite që ka qenë, nuk kemi specifika për lojtarë të veçantë, forca e grupit është Egnatia. Mendojmë që të bëjmë më të mirën ndeshje pas ndeshjes, përballemi me Bylisin, do të jetë ndeshje e vështirë dhe për të ruajtur kreun duhet vazhdimësi. Nuk ka perfekt në futboll, por detyra, duhet të bëjmë mirë, të nxjerrim gabimet pas çdo ndeshje. Prurje nuk ka më, kemi 4 prurje në këtë merkato dhe 3 dalje. E kemi konfiguruar grupin për të qenë sa më konkurrentë me skuadrat e tjera. Bylisi ka bërë një grupim ndeshjesh të mira, mendoj që do të jetë e vështirë dhe duhet përqëndrim maksimal për nesër. Përderisa ne katër ekipet kemi krijuar shkëputje, por mund të ketë surpriza, pas përfundimit të fazës së tretë do të vendosim pikat mbi “i”, është shprehur ndër të tjeram njëshi i pankinës së Egnatias, Edlir Tetova.
(Video) Prononcimi i trajnerit të Egnatias Edlir Tetova në pragndeshjen, Egnatia-Bylis. Abissnet Superiore, java e 23-të.
