Për futbollistët e grupmoshave të vogla të Klubit të Futbollit Bashkimi, klub që aktivitetin e tij prej shumë vitesh e ka të përqëndruar në zonën periferike të qytetit të Shkodrës, mbrëmje e së premtes së 30 janarit 2026 ishte krejt e veçantë.
Me ftesë të kryetrajnerit të këtij klubi, Ervin Alushi, futbollistët e grupmoshave të vogla të këtij klubi organizuan një takim me legjenden e futbollit shqiptar, Hysen Zmijani, ish futbollist i Vllaznisë, kombëtares dhe i kampionatit francez dhe atij të Arabisë Saudite.
“Ishte nje takim kuptimplot, ku respekti për legjendat duhet vlersuar maksimalisht për qytetin tonë. Fëmijët u kënaqen duke dëgjuar këshilla, fotografuar, marrur firma dhe takuar legjendën e futbollit, që do të mbesin përher një kujtim i bukur dhe mbresëlënës me lengjendën Hysen Zmijani”, tha për Veriu Sport, kryetrajneri dhe administrator i KF Bashkimi Ervin Alushi.
(Video) Pamje nga takimi i sportistëve të vegjël të KF Bashkimi me legjenden e futbollit shkodran dhe atij shqiptar Hysen Zmijani.
