Kalendari i Kampionatit Kombëtar të futbollit për Superligën e moshave i ka vendosur ekipet e moshave të Akademisë Vllaznia përballë ekipeve të Dinamos. Ndeshjet e zhvilluara në stadiumin “Reshit Rusi” kanë regjistruar dy fitore dhe një barazim.
Fitorja e parë në duelin Vllaznia-Dinamo ka qënë ajo për kategorinë U17, ku skuadra kuqeblu e drejtuar nga trajneri Arbër Shytani ka fituar me rezultatin 2 me 0. Autor i të dy golave ka qënë i njëjti futbollist, Arkan Nikaj, përkatësisht në minutat 21-të dhe 76-të.
Pas fitores ndaj Dinamos, trajneri i Vllaznisë U17 është shprehur i kënaqur me ekipin e tij, teksa ka vlerësuar edhe autorin e dy golave Arkan Nikaj, ndërkohë që ka vlerësuar bashkëpunimin me kolegun e tij në pankinë, Valdano Nimani.
Fitorja e dytë për Akademinë Vllaznia ka ardhur për kategorinë e moshës U18, ku skuadra kuqeblu mundi Dinamon me rezultatin 3-2. Për Vllazninë, golin e parë e ka shënuar Aldo Medha, ndërsa dy të tjerët kanë qënë autogola të Dinamos, që të dy përmes Elio Hyziut.
Pas ndeshjes, trajneri i Vllazisë U18, Malvin Meçarori, bëri të ditur se edhe pse shifrat e fitores ishin të ngushta, 3-2, skuadra e tij nuk e vuri asnjëherë në dispozicion fitoren ndaj Dinamos U18. Ndërkohë, në fund shtoi se këtë fitore ia dhe e gjitha skuadra U18 ia ka detikuar kolegut të të tij, trajnerit të rikthyer në drejtim, Ersi Çaku.
Ndërkohë, përballja e tretë sipas radhës Vllaznia-Dinamo ka qënë ka qënë ajo e kategorisë së moshës U19, ku Vllaznia e drejtuar nga trajneri Elvis Plori është mundur nga Dinamo me rezultatin 1-3.
Kuqeblutë kalojnë në avantazh që në minutën e parë me autor Dejvi Lesha ndërkohë që në pjesën e dytë Dinamo shënon tre here në portën e Vllaznisë me autor, Tota, Bushati dhe Xhetani duke u larguar nga Shkodra me fitore 1 me 3.
(Video) Pamje nga ndeshja Vllaznia U19-Dinamo U19, 1-3, si dhe prononcimet e dy trajnerëve, Arbër Shytani Vllaznia U17 dhe Malvin Meçerovi Vllaznia U18.
