Vllaznia-Elbasani, 3-1(18/25, 25/21, 25/18, 25/21)
Formacioni i Vllaznisë: Gledis Lloshi, Gread Durro, Viktor Bazhdashi, Marjo Lugaj, Endri Jukni, Visar Lleshi, Gentjan Curraj, Fatjon Çekini, Gilman Talani, Nikolin Qafarena, Mateo Qeseri, Gersi Jula, Enid Daniku. Trajner: Endri Jukni, Ermal Kraha.
Gjyqtarë: Enri Zenullari –Konalsi Gjoka
Për ekipet e volejbollit të Vllaznisë, femra dhe meshkuj, pasditja e së mërkurës ka qënë e suksesshme. Themi kështu, sepse të dy ekipet kanë dalë fitues përballë ekipeve të tyre respektive. Pas Vllaznisë së femrave të drejtuar nga trajnerja Nora Deda, e cila mundi Barleti Volej me rezultatin 3-1, është Vllaznia e meshkujve e drejtuar nga trajneri Artan Kalaja që mund me të njëjtin rezultat, 3-1 ekipin e Studentit.
Kështu, duket se volejbollistët meshkuj “kopjojnë” femra, jo vetëm në shifrat e fitores 3 me 1, por edhe në mënyrën e fitores, duke përmbysur disavantazhin e humbjes së setit të parë me fitoren e tre seteve radhazi dhe të gjithë ndeshjes, 3-1.
Kuqeblutë e trajnerit Kalaja nuk e nisin aspak mirë teksa humbin në setin e parë, 18-25, por korigjojnë menjëherë në të dytin duke fituar 25-21. Barazimi në sete 1 me 1, krijon qetësi në kampin kuqeblu, duke i dhënë mundësi skuadrës të luajë më lirshëm në dy setet e tjerë
Në të tretin, loja është nën komandën e Vllaznisë, e cila e mbyllë me fitore, 25 me 18. Në të katërtitn që është edhe seti final, ka një reagim nga skuadra mysafire, e cila kërkon ta marrë këtë set për ta çuar ndeshjen me set final, por një gjë të tillë nuk e lejon Vllaznia, e cila arrin ta mbyllë me fitore edhe këtë set me shifrat 25-21 duke fituar kështu edhe të gjithë ndeshjen me rezultatin 3 me 1.
Ndeshja në fjalë i përkiste javës së dytë, por duke qënë se në javën e parë Vllaznia ishte pushim, fitorja ndaj Elbasanit ishte e para për sezonin e ri sportiv, 2024-2025. Për javën e tretë, Vllaznia e volejbollit së bashku me atë të femrave do të udhëtojnë drejt Korçës për t’u përballur me ekipet vendase.
(Video) Pamje nga ndeshja e volejbollit meshkuj, Vllaznia-Elbasani 3-1. Superliga, sezoni 2024-2025.
