Tetova në vigjilje të ndeshjes me verdheblutë sheh alternativë vetëm fitoren
Kampionët në fuqi të Egnatias janë gati për ndeshjen me Elbasanin surprizues, një sfidë që do të luhet të dielën në “Elbasan Arena”, ora 20:00. Në konferencën për shtyp të vigjiljes, tekniku Edlir Tetova, e ka bërë të qartë synimin e rrogozhinasve, edhe pse luajnë në transfertë.
“Çdo stërvitje gjatë javës ka qenë e mirë, për ndeshjen e radhës çdo gjë është gati. Me Elbasanin është një ndeshje shumë e rëndësishme, shumë e fortë. Egnatia shkon për tri pikë”.
“Elbasani bën lojë, është një skuadër shumë e organizuar, por ne do të vazhdojmë me objektivat që kemi. Terreni ku do luajmë është shumë i mirë, të lejon të tregosh atë që dëshiron, besoj se do të jetë një ndeshje e bukur”.
“Kundërshtari, me organikën që ka, të jep përshtypjen e një ekipi që pretendon, por unë jam i fokusuar te skuadra ime. Egnatia që kam unë në mendje? Ekipi po mer formë, jemi në një rrugë të mirë. Sigurisht që do kohën e vet, por mendoj se shumë shpejt Egnatia do jetë në nivelet që ka qenë”.
“Përveç ndeshjes me Vllazninë, ku sigurisht ne bëmë analizat tona, mendoj se në ndeshjet e tjera skuadra ka treguar rritje graduale. Por ka akoma kohë, janë shumë ndeshje përpara”.
