Një rol shumë të rëndësishëm në ecurinë pozitive që po bën skuadra kuqeblu në këtë sezon sportiv duke qënë në pozita kryesuese të tabelës së klasifikimit, ka edhe trajnerja e përgatitjes atletike, Ankela Cara. Faza e mirëfilltë përgatitore e realizuar gjatë periudhës verore, por edhe puna e përditshme në proçesin stervitor kanë bërë që skuadra të përballojë me shumë sukses ngarkesën e kampionatit. Mundësimin e praninsë së përgatitjes atletike-fizike në stafin e Vllaznisë në volejboll femra nga ana e presidentit, Florian Zekja, trajnerja Ankela Cara e konsideron një risi shumë pozitive për ecurinë dhe rritjen e cilësisë sportive të skuadrës së parë, por edhe të gjitha ekipeve zinxhir që funksiunojnë në shoqatën e tyre.
