Një ditë para ndeshjes, Vllaznia-Skënderbeu, takim ky i vlefshëm për javën e 12-të të Abissnet Superiore, trajneri kuqeblu, Thomas Brdariç u paraqit në konferencën për shtyp të organizuar në mjediset e stadiumit “Loro Boriçi”.
“Kemi rikuperim të mirë për nesër dhe me stafin mjekësorë jemi munduar të kemi të gjithë lojtarët e gatshëm. Kemi një plan të mirë për ndeshjen e nesërme. Është një ndeshje që e luajmë në shtëpinë tonë, ne e dimë se Skënderbeu ka cilësi, por duhet t’i japim vetes forca për të qenë të koncentruar gjatë gjithë lojës. Duhet të përballemi në një mënyrë profesionale ndaj tyre dhe të kemi një ide se si të luajmë. Kemi stërvitjen e fundit sot dhe do të punojë detajet për sfidën e nesërme. Gjatë lojës duhet të rregullojmë disa gjëra në sulm dhe mbrojtje.”, thaq Brdariç.
I pyetur për problematikën që vazhdon të shfaqë reparti i papavijës, Brdariç, tha:
“Ne na duhet një balancë e mirë siç e kam thënë gjithmonë. Ne mund të shënojmë në çdo sekond të ndeshjes, por secili duhet të kuptojë se e rëndësishme është mbrojtja. Jam i kënaqur nëse shënojmë mesatarisht 3-4 gola, por mënyra se si i pësojmë s’më pëlqen. Kam folur me lojtarët për të përmirësuar në repartin e mbrojtjes. Kjo nuk ka ndodh vetëm tani, po edhe në të kaluarën. Kemi punuar dhe vazhdojmë të punojmë.”
Fitorja në transfertë me Tiranën javën e kaluar, natyrshëm që ka dhënë efektin e duhur në skuadër duke shtuar avantazhet ndaj Skënderbeut.
“ Kërkojmë të marrin një shtysë për këtë fitore. Ndeshje në shtëpi përpara publikut tonë. Një fushë e mirë dhe sfida në Lushnje nuk ishte një fushë e mirë dhe unë përgëzova lojtarët për lojën. Kjo sfidë është shumë e rëndësishme.”, vijoi Brdariç,
Në vijim, njëshi i pankinës kuqeblu, foli edhe për incidentin e ndodhur në ndeshjen e kaluar në stadiumin e Lushnjes, ku tifozëria bardheblu dëmtoi futbollitstët e Vllaznisë me lendë plasëse, ndërkohë që vlerësoi rikthimin e Grudës dhe paraqitjen e mirë të Spahisë ndaj Tiranës. Ndeshja, Vllaznia-Skënderbeu, luhet pasditen e së dieles në “Loro Boriçi”, duke filluar nga ora 17:00.
(Video) Prononcimin e plotë të trajnerit Brdariç në pragndeshjen, Vllaznia-Skënderbeu mund ta ndiqni në kanalin tonë zyrtar, Veriu Sport-YOUTUBE
