Vllaznia B-Basania FC 4-1(Shënues: Elsit Sala, Mehdi Çoba, Arval Maliqi, Antonio Delaj/Alsid Tafili(p))
Vllaznia B: Juka, Spahia, Pusi, Brahimi, Podrimcaku, Sala, Zaganjori, Ensar Tafili, Maliqi, Delaj, Çoba.(U aktivizuan: Halili, Rroku, Kraja, Beci). Trajner: Thomas Brdariç.
Basania FC: Fatjon Marku, Gabriel Zefi, Ardit Hoxha, Moustrapha Diaby, Egzon Shima, Alsid Tafili(C), Olsi Shema, Oumar Konate, Albert Mila, Brilant Hasa, Taulant Nikshiqi(U aktivizuan: Ergys Puka, Mario Kola, Arjet Canja). Trajner: Haris Lika
Gjyqtarë: Ditmir Grimci – Ademar Rrustemi – Algon Kastrati
Tekniku Thomas Brdariç e ka kthyer në modë zhvillimin e ndeshjeve miqësore duke nxjerrë në fushë formacionin e Vllaznisë B. Ashtu siç edhe ai e ka deklaruar për median, arsyeja e këtyre miqësoreve është për t’i dhënë mundësinë e aktivizimit të atij kontigjenti lojtarësh, të cilët duhet të bindin teknikun se vlejnë për të marrë minuta në ndeshjet zyrtare të ekipit të parë.
Në miqësoren e sotme, përballë kuqebluve ishte skuadra e kategorisë së dytë, Basania FC e Bushatit, e cila nën drejtimin e trajnerit Haris Lika po bën mirë në këtë fazë përgatitore, gjë që e reflektoi edhe në fitoren e miqësores së pak ditëve më parë, teksa mundi ekipin pretendent të grupit A, Tërbunin e Pukës.
Një pjesë e parë që foli më mirë për kuqeblutë e B-së, minuta të cilat erdhen edhe katër golat e shënuar në portën bushatase me autor Elsit Salen, Mehdi Çoben, Arval Maliqin dhe Antonio Delajn.
Në pjesën e dytë, loja e skuadrës bushatase pati një përmirësim më të madh, gjë e cila u shoqërua me një lojë më sulmuese se sa në të parën. Si rezultat i kësaj nga fundi i kësaj pjese gjyqtari kryesor Ditmir Grimci, i cili shoqërohej në këtë ndeshje nga kolegët Ademar Rrustemi dhe Algon Kastrati vërshëllen për penallti në favor të Basanias për ndërhyrje të parregullt ndaj sulmuesit bushatas. Penallti, të cilën e ekzekuton me mjeshtri kapiteni Alsid Tafili, duke bërë që e gjithë ndeshja të mbyllej me rezultain 4 me 1 në favor të Vllaznisë B.
Gaspër MARKU
(Video) Pamje nga ndeshja miqësore, Vllaznia B-Basania FC, 4-1. 22 gusht 2024.
