Vllaznia-Racing Union 3-1(Shënues: Arbiona Bajraktari, Megi Doçi, Teresa Deda)
Ndonëse, humbja e ndeshjes së parë me bjelloruset e Dinamo Minsk e privoi të vazhdonte rrugëtimin në fazën plej-of të grupeve Champions League, fitorja e ndeshjes së dytë ndaj ekipit Racing Union, e mban Vllazninë përsëri në Europë, por në një kompeticion tjetër, atë UEFA Women’s Europa Cup.
Ndeshja e zhvilluar paraditen e sotme në stadiumin “Loro Boriçi” u mbyll me rezultatin 3 me 1 në favor të Vllaznisë. Skuadra shkodrane dominoi takimin dhe në pjesën e parë realizoi tre gola me Arbiona Bajraktarin, Megi Doçin dhe Teresa Dedan.
Racing Union arriti të shënojë vetëm një gol në fund të takimit me Coraline Corplet, por pa mundur të ndalë fitoren e merituar të Vllaznisë. Me këtë fitore, Vllaznia siguroi vendin e tretë në ndeshjet e grupit 4 të zhvilluara në Shkodër dhe kualifikohet automatikisht në raundin e parë të UEFA Ëomen’s Europa Cup për sezonin 2025/26, duke vazhduar rrugëtimin në garat europiane.
Në raundin e parë kualifikues të UEFA Women’s Europa Cup do të marrë pjesë edhe Partizani i vajzave. Shorti për këtë raund është planifikuar nesër, më 31 gusht.
(Video) Pamje nga ndeshja, Vllaznia- Racing Union 3-1.
