Partizani Futsal-Vllaznia Futsal 2-9(Shënues: Tafili(2), Djepaxhia(2), Mesi(2), Bashaj(2), Hysjeni(1)/Orest Sulejmani, Eugen Shima)
Partizani Futsal: Xhorxhiinjo Hoxhalli, Armand Gapi, Guido Pepshi, Muhamed Tafili, Fisnik Bllaca, Enis Peku, David Ndreu, Arvi Shala, Orest Sulejmani, Klaurenc Onjela, Eugen Shima
Vllaznia Futsal: Fatos Behari, Besfort Gjoklaj, Semir Gokaj, Ari Djepaxhia, Alsid Tafili, Olsi Gjergji, Saimir Hyseni, Alban Bashaj, Ardit Mesi, Denis Çokaj. Trajner Arben Xhaferi
Gjyqtar: Albano Stolaj, Andi Zdrava
Në kronometër: Kledi Shehu-Delegat i ndeshjes: Rigers Dushku
Kalendari i Javës së dytë të Kampionatit Kombëtar të Futsallës e ka vendosur Vllazninë të luajë në transfertë me ekipin e Partizanit. Sfida në fjalë është luajtur mbrëmjen e së dielës në pallatin e sportit “Asllan Rusi” të kryeqytetit, aty ku Vllaznia triumfoi me rezultatin e thellë 2 me 9.
Pjesa e parë është mbyllur rezultatin 1 me 4 në favor të Vllaznisë, ndërkohë që në të dytë kuqeblutë e thellojnë akoma më shumë avntazhin teksa shënojnë edhe plot pesë gola të tjetër duke pësuar vetëm një, duke bërë që e gjithë ndeshja të mbyllet me fitoren e thellë të Vllaznisë me rezultatin 2 me 9.
Merita për këtë fitore shkon për të gjithë skuadrën, por në veçanti, përgëzimet më të shumta shkojnë për autorët e golave kuqeblu, ku Tafili, Djepaxhia, Mesi, Bashaj, shënuan nga dy gola dhe Hysjeni 1.
Për kapitenin Alsid Tafili, i cili luan edhe detyrën e trajnerit të Vllaznisë Futsallë, kjo ndeshje ishte e veçantë, sepse përpos dy golave të shënuar, tronditi edhe tre herë shtyllyn pingule të portjerit vendas Xhoxhinjo Hoxhalli.
Pjesë e kësaj fitoreje të merituar është edhe drejtori sportiv Arben Xhaferi, i cili duke qënë se Tafili është në fushë si lojtar, luan rolin e trajnerit. Ndërkohë që së bashku me skuadrën në këtë transfertë kryeqytetase ka qënë edhe presidenti futsallës shkodrane, Fisnik Barbullushi.
Me këtë fitore të hellë ndaj Partizanit në transfertë, 2-9, Vllaznia ka lënë pas humbjen e javës së parë në shtëpi me Flamurtarin, dhe tashmë ndeshjen e radhës do ta luajë në pallatin e sportit “Qazim Dervishi” të Shkodrës kundër ekipit të Forcave të Armatosura.
(Video) Partizani Futsal-Vllaznia Futsal(2-9). Pjesa e 1 dhe e 2. Transmetim nga Veriu Sport.
Gaspër MARKU