Ok Ulcinj-Vllaznia 0-2
Mrkojevci-Vllaznia 0-2
Luka Bar-Vllaznia 2-1(26-24, 25-27, 15-11)
Formacioni i Vllaznisë Volej femra U-20: Raisa Çeraj, Xhoi Kaçi, Brigena Bashaj, Melisa Sinani, Kristel Kurti, Nicole Cico, Rejana Zefi, Saira Zeqja, Klea Kurti, Ania Stefani. Trainer: Dorjan Tafa, Fatjet Haxhagiq, Gersi Jula
Vllaznia e volejbollit femra për katëgorinë U18 e drejtuar nga trajnerët Dorjan Tafa, Fatjet Axhagiq dhe Gersi Jula mori pjesë në Turneun Ndërkombëtar të fundvitit, organizuar në Ulqin me pjesëmarrjen e katër ekipve: “Ok Ulcinj”, “Luka Bar”, “Mrkojevci” dhe Vllaznia.
Një turne që kishte në program një maratonë ndeshjesh mes ekipeve pjesëmarrëse që zgjati gjatë të gjithë ditës, në të cilin volejbollistet kuqeblu të Vllaznisë bënë një përfaqësim dinjitoz.
Ballafaqimin e parë Vllaznia U18 e pati me skuadrën vendase Ok Ulcinj, të cilin e fitoi me rezultatin 0 me 2. Me fitore e mbylli skuadra kuqeblu edhe ndeshjen e dytë duke mundur me të njëjtin rezultat 0 me 2 ekipin Mrkojevci, fitore kjo që e kualifikoi në finale.
Takimi final në mes ekipit malazez Luka Bar dhe Vllaznisë ishte më i bukuri i krejt turneut, për të cilin flasin qartë edhe fitoret e seteve me pikët shtesë. Luka Bar fiton setin e parë 26-24, Vllaznia kundrapërgjigjet me fitoren e setit të dytë 25-27 duke e barazuar rezultatin e seteve në 1-2. Në setin final skuadra malazeze tregohet më e saktë në veprime duke e fituar atë 15-11 dhe të gjithë ndeshjen 2-1.
Në ceremoninë e organizuar në përfundim të aktivitetit, krahas ekipit fitues Luka Bar që merr trofeun e Turneut, me kupë nderohet edhe Vllaznia e vendit të dytë. Ndërkohë, me kupa personale nderohen edhe dy volejbolliste të Vllaznisë, Xhoi Kaçi dhe Raisa Ceraj, e para si pritësja më e mirë e topit të parë dhe e dyta si korrektusja(diagonaliste) më e mirë e turneut.
(Video) Pamje nga Turneu Ndërkombëtar i volejbollit femra U18 zhvilluar në Ulqin të Malit të Zi.
Gaspër MARKU
