Startuan sot në Pekin Lojërat Olimpike Dimërore Beijing 2022. Aktivitet ky në të cilin përfaqësohet edhe Shqipëria përmes skiatorit Denno Xhepa.
Në ceremoninë e hapjes së këtij aktiviteti të zhvilluar stadiumin Kombëtar të Pekinit së bashku me skiatorin Xhepa ishin të pranishëm edhe pjesëtar të delegacionit sportiv shqiptar, mes të cilëve edhe dy drejtuesit e KOKSH, Presidenti Z. Fidel Ylli dhe Sekretari i Përgjithshëm, Z. Gerti Shima.
Gjatë parakalimit tradicional që është bërë në Lojërat Olimpike Dimërore Beijing 2022, flamur-mbajtësi i ekipit olimpik shqiptar ka qënë, Denni Xhepa.
Për shkak të masave anti Covid-19, ekipi ynë shqiptar do të jetë më i vogël në numër në këtë ceremoni. E megjithatë e rëndësishme është që flamuri Shqiptar është i pranishëm në këtë veprimtari madhore të sporteve dimërore.
Kryeqyteti i Kinës, Pekin, është kryeqyteti i vetëm që ka mirëpritur edicionin e Lojërave Olimpike Verore 2008 dhe ato Dimërore 2022, i cili filloi sot dhe do të zgjasë deri me datë 20 shkurt, kur është planifikuar edhe mbyllja e aktivitetit!
